AIBIOS është një pleh organik i prodhuar nga Aiba, i krijuar për të përmirësuar cilësitë e tokës dhe për të rritur rendimentin e kulturave bujqësore. I përftuar përmes biofermentimit natyral të kontrolluar, AIBIOS kombinon përbërës natyralë si Azot(N), Fosfor(P) dhe Kalium(K), të cilët ndihmojnë në ushqyerjen e plotë të bimëve.
AIBIOS ndihmon në përmirësimin e strukturës së tokës, duke rritur porozitetin dhe kapacitetin ujëmbajtës, çka krijon kushte optimale për rritjen e bimëve dhe jetën e mikroorganizmave.
Çdo ton i AIBIOS përmban 13 kg mikroorganizma të dobishme, që kontribuojnë në rigjallërimin e jetës në tokë dhe përmirësimin e proceseve të shpërbërjes natyrale të lëndës organike.
Përdorimi i AIBIOS përmirëson cilësitë kimike të tokës duke rritur kapacitetin thithës të elementeve ushqyese dhe duke ndihmuar në balancimin e raportit karbon-azot, duke siguruar një ushqyerje të qëndrueshme për kulturat tuaja.
AIBIOS është i përshtatshëm për të gjitha llojet e kulturave bujqësore, përfshirë perimet, frutat, vreshtarinë, dhe florikulturën. Mund të përdoret si plehërim bazë në të gjitha llojet e tokave. Në fushë të hapur doza e rekomanduar është 15-30 ton/ha ndërsa në ambiente të mbrojtura doza shkon deri në 50-60 ton/ha. Eksperimentet kanë treguar se AIBIOS në kombinim me plehra të tjerë minerale mund të rrisë rendimentin me 20-30%, duke mundësuar një rritje të ndjeshme të prodhimit.
Ndihmon në rritjen e prodhimit për kulturat si domatet dhe trangullat, me rezultate të dukshme në cilësi dhe sasi.
Me përbërjen e tij të pasur organike, AIBIOS kontribuon në përmirësimin e cilësive fizike, kimike, dhe biologjike të tokës, duke ndihmuar në mbajtjen e saj të shëndetshme për shumë vite.
AIBIOS përftohet nga plehu i kafshëve përmes biofermentimit natyral, duke siguruar një produkt të pastër dhe të sigurt për kulturat bujqësore.
Përdorimi i AIBIOS ka sjellë rritje të dukshme të rendimentit në kultura të ndryshme. Për shembull, në një prodhim prej 600 kv/ha të domates në fushë, përdorimi i AIBIOS sjell 120-180 kv/ha më shumë. Në ambientet e mbrojtura, për domate ose trangull, rezultati është një shtesë prej 400-600 kv/ha.
